Resumen de El deprendizax automáticu computacional na valoración d'exemplares bovinos d'Asturiana de los Valles

Jaime Alonso González, Jorge Díez Peláez , Óscar Luaces Rodríguez , Juan José del Coz Velasco , Antonio Bahamonde Rionda , Félix Goyache Goñi

• La vaca autóctona d’Asturies ye la vaca roxa, términu qu’en realidá compriende dos castres que güei s’usen pa la producción de carne. Son les castres Asturiana de la Montaña (o casina) y Asturiana de los Valles (o carreñana). Nesti artículu va tratase de la segunda d’estes races, la más abondante non solo de la vaca roxa sinón tamién de toles vaques de carne actuales d’Asturies. L’orixe d’estes vaques suel atribuyise a la migración celta que pobló Asturies de los sieglos VII y VI a.C. (Álvarez Sevilla 2001).